ആഗമനം

ഒരിക്കൽ നിന്നെ ഞാൻ വെറുത്തിരുന്നു

നിന്റെ ക്രൂരവിനോദങ്ങളിൽ ഞാൻ ഭയച്ചിത്തനായിരുന്നു..
പ്രാണൻ പറിച്ചെടുക്കുന്ന നിന്റെ വെറിപൂണ്ട ഉദ്ധ്യമത്തെ,
എന്റെ നിസ്സഹായതയുടെ അക്ഷികളാൽ ഞാൻ കണ്ടിരുന്നു .
നിന്റെ ആഗമനം എന്നും വേർപാടിന്റെ സൂചനയായിരുന്നു .

എന്നാലിന്നു ഇരുണ്ട തിരശീലയ്ക്കപ്പുറം
നിന്റെ കാല്പെരുമാറ്റം ഞാനറിയുന്നു .
തിരസ്കരിണി നീക്കി അരികിൽ വരിക നീ..,
കൊണ്ടുപോവുക എന്നെ നീ വിഹായസ്സിലേക്ക്,
പാപത്തിന്റെ പാത്രമാം ഈ ദേഹം  വെടിഞ്ഞ് പിന്തുടരാം ഞാൻ ,
കൊണ്ടുപോവുക എന്നെ നീ വിഹായസ്സിലേക്ക്................

  -----------------------------------------------------------------------------------------------------------------------